牛熊證 Callable Bull/Bear Contracts ‧ 上回
10/12/2019
今日我哋同大家溫故知新，講解用牛同熊嚟命名嘅投資產品 – 牛熊證！🕵️
牛熊證 (Callable Bull/Bear Contracts)屬於結構性產品，係一種由發行商發行嘅衍生工具合約，佢哋追蹤相關資產表現，例如指數同單一股票。同股票一樣，牛熊證喺聯交所上市並進行買賣，但投資者唔須要支付買入實際資產嘅全數金額。
💡牛熊證係點樣運作？投資者係如何獲利？
牛熊證分為牛證及熊證。固名思義，投資者買入牛證係因為睇好相關資產表現，若果資產股價上升，牛證嘅價值亦會相應上升，投資者因此就可以沽出牛證套利；投資者買入熊證係因為睇淡追蹤嘅相關資產表現，資產股價下跌，熊證價格會相對上升，投資者於是可以沽出熊證獲利。
💡牛熊證特別嘅地方在於設有強制收回機制，究竟係點運作呢？
牛熊證除咗一般有到期日，仲設有收回價，如果相關資產喺到期前觸及牛熊證嘅收回價，發行商會即時強制收回有關牛熊證，並停止買賣。
牛熊證被強制收回之後，投資者點先會知自己有冇得拎返剩餘價值？剩餘價值又係點計？另外，點解啲人會話買賣牛熊證比起證券風險更加大？以上資訊我哋留待下回分解啦！🔜
#N2NAFE #牛熊證 #CallableBullBearContracts
