點解牛熊係牛熊?
10/12/2019
對證券市場稍有認識嘅投資者，都會知道可以用牛🐮同熊🐻呢兩種動物去比喻股市走勢，咁究竟牛同熊分別象徵啲咩？點解會用牛同熊，而唔係其他動物？
「牛市」(Bull market)又稱為「多頭市場」，指股市或經濟呈現長期上漲多頭格局嘅向上趨勢，市場氣氛樂觀😆。而「熊市」(Bear market)又稱為「空頭市場」，指股市或者經濟呈現長期下滑空頭格局，市場氣氛瀰漫住悲觀同恐慌😖。
用牛同熊嚟形容股市走勢向上或向下呢個比喻源起美國，流傳嘅原因大致上有三種︰
1. 西方文化觀念💂🏼💭
牛喺西方文化中象徵財富、力量與希望，於是啲人用「牛市」代表股市長期上升、大漲長紅嘅情勢，都代表咗一種對財富嘅期盼。
喺美國西部拓荒時代，美墨邊境嘅牛仔得閒就會捉灰熊嚟鬥牛，後嚟美國人就將熊視為牛嘅對頭動物，「熊市」成為「牛市」嘅相反。
2. 攻擊習性💥
攻擊敵人嘅時候，牛嘅眼睛會向上望，牛角都會往上頂，跑起上嚟強而有力，象徵走勢持續往上嘅股市；而熊喺攻擊嘅時候眼睛成日會向下望，兩隻手往下拍擊，身形笨重行動遲鈍，因此象徵行情低迷、走勢向下嘅股市。
3. 活動習性🐾
牛屬於群居動物，一般都係成群結隊行動，象徵股市上升嘅時候人潮聚集、萬頭鑽動、市場熱絡，所以叫多頭市場做牛市；熊偏向單獨行動，象徵股市行情低迷，股價不振嘅時候人潮稀疏，因此空頭市場就叫做熊市。
#N2NAFE #股市知多啲 #牛熊市
