喺投資銀行做都會有天價人工?

成日聽到啲人講iBank，好多人對投資銀行嘅印象就係收入「球」「球」聲，做得投行嘅唔係權貴二代就係富家子弟。相信好多人都覺得投行呢類公司遙遠得嚟又神秘，同時都想了解多啲，小編今次就介紹吓啦📈

💡何謂投資銀行？

投資銀行，英文叫Investment Bank，簡稱投行或者iBank。投資銀行係最典型嘅投資性金融機構，一般認為投資銀行會喺資本市場上為企業發行債券、股票，籌集長期資金提供中介服務嘅金融機構，主要從事證券承銷、公司購併同資產重組、公司理財、基金管理等業務。投行嘅基本特徵就係綜合經營資本市場業務。

💡喺投行工作有豐厚甚至天價人工係咪必然？

首先要搞清楚投行嘅部門主要可以分成兩種 - 前線 (Front Office)同後勤支援 (Middle/Back Office)。成日聽到嘅12個月花紅、40歲就可以退休呢類情況只會發生喺前線員工身上，因為佢哋參與真正嘅投行業務，負責客戶銷售程序，成功幫公司賺錢就會賺到雄厚嘅酬勞。相比之下後勤支援員工嘅薪酬同花紅就可能會較少。

做投行固然有機會賺到天價人工，但有機就有危，經濟環境不佳、公司收入少咗，於是縮減人手都係見慣不怪。今年7月，世界知名投行 - 德意志銀行因為業績不理想問題，宣佈將進行大規模業務重組，並喺2022年前會全球裁員1.8萬人；啱啱過咗嘅8月頭，滙豐銀行亦決定裁員4750人，多達總員工人數嘅2%。要喺投行賺天價薪金並唔係理所當然，絕對需要實力同運氣。

💡世界上有咩比較知名嘅投行？

全球名列前予嘅投行有摩根大通 (JP Morgan)、高盛 (Goldman Sachs)、美摩根士丹利 (Morgan Stanley)、花旗銀行 (Citigroup)、瑞士信貸 (Credit Suisse Group)、德意志銀行 (Deutsche Bank)、瑞銀集團 (UBS)等。而內地知名券商有中信證券、國泰君安、海通證券、中信建投、國信證券、招商證券等。

#N2NAFE #股市知多啲 #投資銀行 #iBank