Facebook、Twitter、小米 - 獨角獸上市
10/12/2019
呢個年代除咗投資傳統大型上市公司嘅證券，唔少投資者都開始密切留意新興嘅「獨角獸」🦄如果到而家你仲對咩係獨角獸一無所知，咁就要與時並進，進修了解吓啦!👩🏻🏫
被歸類為「獨角獸」嘅企業，係指未上市、估值已達10億美元、成立不到10年嘅初創公司，唔少獨角獸為咗募集更多資金發展業務，紛紛積極尋求上市，上市後就唔再屬於獨角獸㗎啦。
最成功嘅獨角獸上市例子，一定係於2012年上市嘅Facebook(FB)，股價由最初38美元攀升至而家183美元左右，今年仲成為美國第五高市值企業。過往喺美國上市，香港人又比較熟悉嘅前獨角獸有Twitter(TWTR)、Spotify(SPOT)、阿里巴巴(BABA)等；係香港上市嘅前獨角獸就有嚟自內地嘅小米集團(1810)、美團點評(3690)、閱文集團(772)等。
雖然唔少獨角獸上市氣勢如虹，但部分上市後股價表現卻不盡人意。例如由Pinterest、Airbnb、Uber同Lyft4隻獨角獸組成嘅「PAUL(保羅股)」，其中Lyft(LYFT)同Uber(UBER)分別於今年3月同5月喺美國科技IPO上市，前者上市首日股價大漲8.7%，但後續表現淒慘，上市以嚟市值已經蒸發咗 29％；後者股況更慘不忍睹，上市首日宣佈嘅發行價為45元，貼近招股價範圍44至50美元嘅下限水平，收市報41.57元，市值縮水143億元。
有見及此，投資者切忌被氣氛影響買賣決定呀!
#N2NAFE #股市知多啲 #獨角獸 #上市
