好息之徒首選 - 公用股
10/12/2019
大部分買賣股票嘅投資者，都一定好想䟴䟴腳定期賺股息，幫補家計，而一班「好息之徒」嘅賺息寵兒就必定係「公用股」啦！
💡公用股即係咩？
公用事業指負責維持公共基礎設施服務嘅體系或機構，包括電力、供水、燃氣供應、交通、通訊等。公用事業一般由政府機關、公營企業或政府特許嘅公司機構經營，視乎情形都會開放俾民營企業自由經營。以上所有經營公用事業機構發行嘅股票，就叫做「公用股」啦！
💡點解公用股通常每年派發嘅股息都相比其他股票較穩陣同高？
面對時好時壞嘅經濟環境，公用事業行業嘅業績一般都能夠維持平穩態勢，股價波動都相對比較小，原因係︰
· 公用事業產品通常係生活必需品，無論經濟有幾蕭條，市民都佢哋嘅產品都有一定需求
· 政府會對某部分營運公用事業嘅公司機構設定利潤調節、限制的回報率等措施，就算賺好多錢都唔可以完全收歸公司擁有。既然賺多咗嘅錢冇得私有，咁就不如拎去派。
💡喺香港，有邊啲受歡迎公用股派息穩定、息率又相對高？
中電控股 (2)、香港中華煤氣 (3)、電能實業 (6)、港鐵 (66)、長建 (1038) 及港燈－SS (2638)。
#N2NAFE #股市知多啲 #公用股
